Bloggfærslur mánaðarins, nóvember 2006

Ég hef...

( ) reykt sígarettucarcrash
(x) klesst bíl vinar/vinkonu (bróðir minn átti þann sem fór inn á kirkjulóðina)
(x) stolið bíl (foreldranna) 

(x) verið ástfangin/n
( ) verið sagt upp af kærasta/kærustu
( ) verið rekin/n úr vinnu
(x) lent í slagsmálum... (já, en verulega langt síðan... síðast við bróðir minn)
( ) læðst út meðan þú bjóst ennþá heima hjá foreldrunum (læddist bara inn).
(x) haft tilfinningar til einhvers sem endurgalt þær ekki
( ) verið handtekin/n
( ) farið á blint stefnumót
(x) logið að vini/vinkonu
(x) skrópað í skólanum
(x) horft á einhvern deyja
( ) farið til Canada
( ) farið til Mexico
(x) ferðast í flugvél
( ) kveikt í þér viljandi (það gerðist óvart)
( ) skorið þig viljandi (það gerðist líka óvart)
(x) borðað sushi
(x) farið á sjóskíði
( ) farið á skíði
(x) farið á tónleika
(x) tekið verkjalyf
(x) elskar einhvern eða saknar einhvers akkurat núna
(x) legið á bakinu úti og horft á skýin
(x) búið til snjóengil
(x) haldið kaffiboð
(x) flogið flugdreka
(x) byggt sandkastala
(x) hoppað í pollum
(x) farið í "tískuleik" (dress up)
(x) hoppað í laufblaðahrúgu
(x) rennt þér á sleða
(x) svindlað í leik
(x) verið einmana
(x) sofnað í vinnunni/skólanum
( ) notað falsað skilríki
(x) horft á sólarlagið
(x) fundið jarðskjálfta
(x) sofið undir berum himni
(x) verið kitluð/kitlaður (löngu búið að **** það úr mér)
( ) verið rænd/rændur (held ékki)
(x) verið misskilin/n (ji, já, alltaf að gerast)
( ) klappað hreindýri/geit/kengúru
(x) lent í bílslysi
(x) farið yfir á rauðu ljósi/virt stöðvunaskyldu að vettugi (óvart)
( ) verið rekin/n eða vísað úr skóla
( ) verið með spangir/góm
(x) liðið eins og þú passaðir ekki inn í/þriðja hjól undir vagni
(x) borðað líter af ís á einu kvöldi (með fleirrum samt)
( ) dansað í tunglskininu
(x) fundist þú líta vel út
(x) verið vitni að glæp
(x) efast um að hjartað segði þér rétt til
(x) verið gagntekin/n af post-it miðum (þið vitið - þessum gulu)
(x) leikið þér berfætt/ur í drullunni
(x) verið týnd/ur
(x) synt í sjónum
(x) fundist þú vera að deyja
(x) grátið þig í svefn
(x) farið í löggu og bófa leik
(x) litað nýlega með vaxlitum
(x) sungið í karaókí
( ) borgað fyrir máltíð eingöngu með smápeningum (við erum að tala um krónur, fimmkalla og tíkalla hérna)
(x) gert eitthvað sem þú lofaðir sjálfri/sjálfum þér að gera ekki
(x) hringt símahrekk
(x) hlegið þannig að gosið frussaðist út um nefið á þér
(x) stungið út tungunni til að ná snjókorni
(x) dansað í rigningunni
(x) skrifað bréf til jólasveinsins
( ) verið kysst/ur undir mistilteini (nei, held ég hafi bara aldrei séð mistiltein)
(x) horft á sólarupprásina með einhverjum sem þér þykir vænt um
(x) blásið sápukúlur
(x) kveikt bál á ströndinni! (Já, það var þarna þegar ég kveikti í mér)
(x) komið óboðin/n í partý
( ) verið beðin/n um að yfirgefa partýið sem þú komst óboðin/n í
(x) farið á rúlluskauta/línuskauta (hjólaskauta... og miðað við hvernig mér gekk þá hef ég látið, allt sem heitir skautar, vera)
(x) hefur einhver óska þinna ræst
( ) farið í fallhlífastökk (en langar geggjað mikið)
(x) hefur einhver haldið óvænt boð fyrir þig (gæsapartýið... það var nú samt ekkert svaka óvænt)
(x) gert þig af þvílíku fífli fyrir framan fullt af fólki (oft og mörgum sinnum)
( ) farið nakin í sund (Nei, en í heitan pott)
(x) rennt þér á grasinu á snjóþotu (varð að prófa það)
( ) verið sett í straff
(x) logið fyrir vini þína
( ) liðið yfir þig (ómæ... hefur aldrei liðið yfir mig? Ég er hetja!)
(x) fengið sms frá einhverjum sem þú veist ekkert hver er og byrjað að spjalla við manneskjuna
(x) eyðilagt eitthvað sem vinur þinn átti


Gubbupest og önnur gleði!

krakkarnir í gírnumÞað er alveg spurning um að gera rannsókn á því af hverju allar gubbupestir byrja að nóttu til... þegar flestir eru nógu ruglaðir að fatta ekki að þeir þurfi að æla fyrr en of seint!

Guðný var búin að vera að kvarta yfir maganum á sér á fimmtudagskvöldið þannig að við ákváðum að setja fötu við rúmið hennar. Hins vegar var það Guðmundur sem byrjaði á því í fyrrinótt að æla mjög reglulega. Honum leið svo illa í gær að hann stundi upp þegar höfuðverkurinn var sem mestur: "Mamma, mér líður eins og ég sé að missa vitið!"

Guðný fékk líka að sleppa skólanum af því að það var nú hún sem að var búin að vera að kvarta yfir maganum... og okkur foreldrunum fannst ekki taka því að hún væri að fara í skólann til þess eins að gubba allt út þar. En hún var bara ferskust í heimi í gær... skoppaði um allt, bróðir sínum til ama, en stundi á milli að henni væri illt í maganum!

Ég hundskammaði hana fyrir að vera að plata til að fá að sleppa skólanum.

Nú svo fóru allir að sofa...

Guðný hófst svo handa í nótt... og er búin að gubba nánast á hálftíma fresti í alla nótt! Nú er staðan sú að hún kúgast bara af því að hún hefur engu að kasta upp. Samt er hún hress á milli... hmmm, kannski var hún ekkert að plata í gær??!!??

Helgin verður vægast sagt mjög sérstök... fastur inni að tæma fötur... þvo þvott... elda mat sem engin hefur list á... og bíða eftir að maður byrji sjálfur!!!


Ein af mjög fáum uppskriftum frá mér!!!

Nú fara málin að skýrast.

Maður heldur að maður eigi vini og svo skora þeir á mann í einhverju sem þeir vita að er varla til á heimilinu... og hvað þá að það sé notað! Uppskriftir!!!

Anna Lilja, með engilblíða framkomu og enn ljúfari ásýnd, leynir á sér í kvikyndisskapnum en þetta verður allt fyrirgefið með tíð og tíma! Gott ef ekki fyrr en seinna!

Þar sem orðin sletta, slatti og smá eru ekki vinsæl í uppskriftum þá ætla ég að henda fram uppskrift af "wokmatnum" okkar... sem fólk gerir svo bara að sínu með að setja út í það uppáhaldskryddin sín, uppáhaldsgrænmetið, uppáhalds kjötið og smakkar svo til þangað til það er orðið eins og fólk vill hafa það! Og þá breytir maður til þannig að það er ekkert allt of oft eins á bragðið!!!

Ágætt er að byrja að undirbúa sig um hádegi... eða fyrr eða seinna og setja olíu í skál (mæli með extra virgin (er víst agalega holl)), sletta af tabassco og sojasósu út í olíuna, saxa ferskan chili, rispa engifer rót og mylja pipar og salt útí olíuna. Láta hana standa og leyfa kryddinu að brjóta sig! Því lengri tími, þess bragðmeiri og sterkari olía. Stundum bý ég til nóg af olíu og á hana í flösku þangað til næst. Þetta er þó engin nauðsyn, virkar líka að henda bara öllu saman beint á pönnuna.

Skera t.d lambavöðva niður í hæfilega bita (ekki stærri en munnbita).

Ég nota yfirleitt lauk, rauðlauk, púrrulauk, hvítlauk, sveppi, rófur, gulrætur, paprikur (tvo til þrjá liti til að gera matinn líflegan) og annað girnilegt grænmeti sem ég rekst á, saxa grænmetið gróft, t.d. sveppina í fjóra hluta, rófurnar í strimla og laukana í hringi.

Aðalatriðið er að ekkert sé of smátt, að þú finnir fyrir hverju fyrir sig undir tönn.

Mundu bara að grænmetið á að vera svona 3/4 af matnum sem endar á pönnunni.

Ristaðar hnetur skemma matinn ekki, nema að einhver sé með ofnæmi, alls konar sósur eru líka til, indverskar, tælenskar og hvað það nú heitir allt saman... og þær skemma sjaldnast. Ekki vera feimin við að prufa!

Taktu fram wok pönnu (má líka vera bara venjuleg djúp stór panna) settu hana á helluna og hitaðu hana.

Þegar olían er farin að snarka vel skellirðu kjötinu á pönnuna. Þegar þú ert búin að loka kjötinu skellirðu grænmetinu á pönnunna líka og hrærir vel. Leyfir öllu að malla í rólegheitunum á pönnunni,

Gott er að bera fram með wokinu hrísgrjón, brauð og t.d. gular baunir

Nauðsynlegt er að borða matinn með prjónum í góðum félagsskap, þannig nýturðu þess betur, tekur lengri tíma í að borða, spjallar vel við þá sem sitja við borðið með þér og vonandi eru fleiri en einn tími liðinn þegar allir standa upp frá borðinu, saddir og sælir.Litla familían!

Ætla svo að enda þetta á þvi að skora á elskulega múttu mína að koma með uppskriftina af kalkúninum og fyllingunni í hann og svalasvíninu, svo að ég fái frið fyrir brúðkaupsgestunum mínum!!!


Matgæðingur vikunnar!!!

MaturMætti halda að Anna Lilja vinkona þekkti mig ekki neitt og vissi ekki að ég notast agalega sjaldan við uppskriftir!!!

Haldiði að kellingin hafi ekki skorað á mig og ég er bara í stökustu vandræðum.  Hugsa að það endi með að fyrir framan hvert hráefni verði orðin slatti, smá eða sletta!!! OG svo smakkarðu bara til fíflið þitt... hehehehe

 Geir lagði til að hann myndi bara taka myndir af mér að elda... en ég held að slattinn sem ég nota náist ekki heldur á ljósmynd!!!

Jæja, sjáum hvað verður... alla vega er Svenni Þórðar búinn að hringja og reka á eftir mér... talaði reyndar við Geir!!!

Hef fengið áskoranir með eitthvað af WOKINU, það er kannski ekkert vitlaust... þar sem að þar má slumpa allt til eins og mann listir!!!


Þvottur og þvottahús!!!

LAUNDRY_graphicMikið á ég erfitt með að þola þvottahúsið mitt, eða kannski ekki svo mikið þvottahúsið perse sem fer í taugarnar á mér...  heldur þessi þvottur sem safnast þar upp!

Það er alveg sama hversu afskiptur þessi þvottur er, hann lætur sig ekki hverfa!!!

Hrúgan stækkar bara og stækkar... þetta er svona svipað og bumban á manni!!! Það er greinilega ekki að virka að láta eins og hún sé ekki þarna!!!

Mér finnst svo sem ekkert leiðinlegt að sortera þvottinn, henda honum í þvottavélina, hengja á snúrur/setja í þurrkarann, taka niður af snúrunum og brjóta saman... það sem ég þoli minnst er að ganga frá stöflunum í hillurnar... og það þrátt fyrir að vera með fataherbergi!!!

Aðalástæðan er reyndar sú að mér finnst ég alltaf þurfa að taka allt það sem er fyrir í hillunum og endurraða... af því að einhver bara VARÐ að taka neðstu peysuna í bunkanum... og ruglaði öllum hinum!!!

Og ekki lagar það að sonurinn er svakalega gjarn á það að ná sér í hrein föt á hverjum morgni, þrátt fyrir að hafa ekki sett hin í óhreina... þar sem þau voru bara ekkert óhrein og því sett til fóta kvöldið áður!!! Þannig að það safnast HREIN hrúga til fóta á rúminu hjá honum... og systir hans finnst þetta greinilega svaka sniðugt því að hún er byrjuð á þessu líka!

Nota bene... þau þurfa að taka eitt og hálft skref út úr herberginu sínu til að setja í óhreinatausdallinn!!!

Jæja... nú bíða tveir troðnir balar eftir því að fá frið frá þvottinum í þeim!!! Og ég þarf víst að koma þessu á sinn stað... þar sem kallinn virðist ómögulega geta lært að brjóta þvottinn eins og ég vill að hann sé brotinn saman... helvítis MEYJAN í mér!!!

Kveðja úr fatahrúgunni!!!


Nóg að gera..

Hér á bæ er nóg að gerast... Ég er búin að vera að vinna upp tímann sem fór í giftinguna en ekki í vinnuna.  Var að vinna í gærkvöldi á spurningakeppni Hamarsskóla, var líka spurningakeppni í Barnaskólanum á sama tíma. Hver hefur ekki gaman af spurningakeppnum???

Guðmundur Tómas er að fara upp á land að keppa í handboltanum um helgina, Guðný ætlar að fá að vera hjá ömmu sinni á föstudaginn, þar sem ég á að vera í vinnu allan daginn til 2 aðfaranótt laugardags og skipinu hjá Samskip seinkar eitthvað... þannig að hann verður eitthvað frameftir líka!

Anna Lilja og Kjartan eru svo búin að bjóða okkur í mat á laugardaginn... mmmm alltaf svo gott að borða hjá þeim! Ætlum að taka í spil og leyfa krökkunum að leika sér eitthvað frameftir!

Já, alveg rétt... og Anna Lilja skoraði víst á okkur Geir sem matgæðinga vikunnar. Ekki veit ég hvað ég á að velja... veist þú það??? Hefurðu borðað eitthvað hjá mér sem þig vantar uppskrift af?

Svo er aldeilis að styttast í ferðalagið okkar hjónakornanna!!! Bara örfáir vinnudagar og svo bara bæbæ Ísland... HiHi Britain!!! Ekki nóg með það heldur fékk ég tilkynningu í tölvupósti um að það væri búið að skipta um hótel í ferðinni, úr "sæmilegu 3 stjörnu" hóteli (svo ég noti nú orðalag ÚrvalÚtsýnar) í glænýtt 4 stjörnu hótel!!! Við búin að fá miðanna í hendurnar þannig að það er of seint fyrir þá að ætla að fara að hækka verðið á ferðinni!!! Bara Lovlý!!!


Gift kona!!!

Jæja, þá er maður að ná sér... að verða aftur ég... svona fyrir utan það að vera orðin gift kona!!!

Dagurinn varð mikið yndislegri en ég þorði að vona!!! Allt gekk eins og í sögu nema kannski veðrið... en maður getur víst ekki fengið allt!!!

Mig langar að þakka öllum sem tóku þátt í deginum fyrir allt, undirbúninginn, undirspilið, sönginn, veislustjórn, skemmtiatriðin, myndatökuna, skreytingar, þrif og allt hitt sem ég er að gleyma!!!

Ég held ég láti myndirnar tala sínu máli!!! Enda koma flestir hingað þessa daganna til þess eins að sjá myndir!!!

Göngum inn kirkjugólfið

Pabbi, ég, Guðmundur Tómas og Guðný göngum inn kirkjugólfið!

Nýgift!!!

Hjónakornin saman!!!

Ganga saman út kirkjugólfið

Krakkarnir bara sæt, leiðast út á eftir okkur!

Fjölskyldan saman við altarið

Set svo fleiri myndir inn á myndasíðuna mína hér

P.S. Djö... hlakkar mig til að fara til Liverpoolborgar og sjá eins og einn leik... með mínum manni í brúðkaupsferðina miklu!!!


Innskráning

Ath. Vinsamlegast kveikið á Javascript til að hefja innskráningu.

Hafðu samband