Tíundi dagurinn!

Mikið hefur maður lítið að segja þegar maður er bara heima alla daga og gerir ekkert annað en að gefa að drekka, skipta á bleium og annað því tengt!

 

 

 

 

 

 

 

 

 

 

Jóna systir er voða glöð að fá litlu skvísuna lánaða. Bjarni Ólafur er ekki alveg að skilja af hverju hann má ekki eignast lítið systkin! Jóna er nú samt frekar komin í ömmugírinn... enda kallar Katrín Sara hana ömmu Siggu!

Skvísan er komin vel yfir fæðingarþyngdina sína, sem er bara flott... Maður veit þá að hún fær nóg!

Geir er heima þessa dagana, puttabrotinn og sætur! Það er nú voða gott að hafa hann heima svona fyrstu dagana!

Hann á afmæli í dag!

Pabbi kallinn á afmæli í dag, sextugur! Ekki hægt að sjá það á kellinum enda fer mamma svo agalega vel með hann... samt spurning um hvort fer betur með hitt!!! Í tilefni dagsins ætlum við systkinin að bjóða þeim í mat til mín!

Afmælið var agalega smart, tæpir 200 gestir sáu sér fært að mæta og heiðra afmælisbarnið með návist sinni! Drífa ljósmóðir passaði fyrir okkur litlu prinsessuna, sem reyndar tók upp á því að vaka út í eitt þar til mamma gamla kom heim og þá var líka sofið út í eitt!!! Maður veit hvað maður vill þó maður sé ekki gamall! Enda hafði Drífa stungið hana um morguninn og maður er nú ekkert að gleyma því allt of snemma!!!

Litla skvís varð svo vikugömul í gær... orðin ógó stór! Í tilefni af þeim merkisáfanga er hér með komin ný mynd af skvísulís eða kannski tvær!!!

Dagur 4!

Þetta kann ég ekki!

Barnið bara sefur og sýgur!!!

Ég er alltaf að athuga hvernig hún hafi það því að þessi tvö eldri leyfðu manni aldrei að efast um að þau önduðu!

Hef samt heyrt, í gegnum tíðina, þjóðsögur af svona börnum. Hélt bara að allir væru að ljúga að mér.

Hún er náttúrulega svakalega lík systkinum sínum, þrátt fyrir að þau séu ekkert lík í dag þá voru þau nánast eins við fæðingu. Höfum verið að skoða "gamlar" myndir og þau eru alla vega öll með sama nefið, hún er með sömu varir og Guðný og sama augnsvip og Guðmundur Tómas þannig að allir eru sáttir með hrærigrautinn!

Nú er bara höfuðverkurinn með nafnið að byrja!!!

P.S. Myndin er tekin þegar við erum á leið af Hreiðrinu með skvísuna rétt að verða sólahringsgömul. 

Komin heim

Jæja, þá er prinsessan komin heim á Bröttugötuna.  Flugum heim seinnipartinn eftir að hafa fengið fararleyfi hjá barnalækni.  Hann gaf henni fína einkunn og þar með drifum við okkur heim til Eyja svo hún yrði nú ekki of menguð af Stórborgarlofti.

Ferðin heim gekk vel og stóru systkynin og ömmurnar og afinn tóku vel á móti okkur.  Sú stutta svaf alla leið í fluginu og hélt bara áfram að sofa eftir að heim var komið alveg til klukkan átta þegar hún var vakin til að fá að drekka og auka líkur á sæmilegum nætursvefni fyrir gamla settið í nótt.

 Við látum fylgja nokkrar myndir af þessari 24 klst. gömlu snót.

FÆDD ER YNDISLEG PRINSESSA

Yndisleg lítil,(eða ekki lítil) prinsessa fæddist í dag á landspítalanum.

Hún var 18 merkur og 53 sentimetrar.

Þeim mæðgum heilsast vel og báðu þau hjón ásamt litlu hárprúðu sporðdrekaprinsessunni fyrir kveðjum til allra.

                                                   Kveðja Anna Lilja

Farin til Reykjavíkur

Einhver tregða í gangi og til að tryggja allt öryggi erum við á leið í sjúkravél til Reykjavíkur.  

Sigþóru líður vel en allur er varinn góður.

 Sjáumst fljótlega

 

Geir 

Stóra stundin að renna upp????

   Jæja, þá erum við að leggja í hann uppá fæðingarstofu og að öllum líkindum verður Sigþóru "gefið start".  Reyndar hélt hún að þetta væri allt að gerast í nótt, en einu sinni enn varð allt með kyrrum kjörum þegar leið á nóttina.

   Takk fyrir allar kveðjur og hvatningarorð. Læt heyra eins fljótt og mögulegt er hvernig gengur.

Kveðja Geir

Búin í skoðun dagsins!

Krakkarnir eru hættir að kippa sér upp við að við séum að fara á sjúkrahúsið! 

Ljósan hreyfði við í sjötta skiptið! Ekkert virðist vera hægt að stugga við bumbubúanum!

Fengum tíma aftur á morgun kl. 9 í dripp... nú er bara búið að gefast upp á þessu að reyna að hreyfa við og lyfin tekin við!

Koma svo!!!

Ekkert gerist enn!!!

Bara svona fyrir ykkur sem eruð ekki búin að hringja... við erum ekki á fæðingardeildinni!  Við erum heima, búin að taka á móti fullt af gestum í kaffi...

Fór i mónitor í morgun og fer aftur í fyrramálið... læt ykkur vita hvernig skoðunin fer

Veó veó!

Komin heim aftur!

Ekkert gengur með að ýta við þessu barni!

Mér finnst það samt fyndnast að fólk sem ég hitti úti á götu er orðið pirraðra en ég í biðinni... Híhíhí.... "Hva... ertu enn á fótum?  Ertu ekki löngu komin á tíma? Hvenær á barnið eiginlega að koma?" og svo framvegis!

En fékk svona nokkurs konar staðfestingu á því að ég yrði líklegast sett af stað á mánudaginn... þannig að ef ekkert gerist um helgina þá er aldrei að vita!