Hæ... búin að vera bissí að læra á nýju tölvuna, hugsa um litla veikindamús og vinna!!! Fyrir utan að gera klárt fyrir jólin!

Ég er orðin þvílíkt klár að þvælast um netið, þó aðallega á facebookinu og á leikjaneti í sudoku!!! HVað hefur maður annað að gera við tímann!!! Ég meina það, hver þarf að fara reglulega í þvottahúsið, sópa og annað þegar maður er með 5 manna heimili???

Vorum með voða jólakósý í féló í kvöld, heitt súkkulaði (sko alvöru uppunni!), piparkökuhús, smákökur og málaðar piparkökur, sem við erum búin að vera að dunda í að baka og mála síðustu kvöld!!! Allt frítt handa þeim sem vildu... og það var svei mér gaman að sjá hvað unglingunum fannst þetta gott og gaman. "Sigþóra, gerðir þú alvöru heitt súkkulaði handa okkur??? Og er það frítt???" Bara krútt!!! Svo verður jólaball féló í Kiwanis á föstudagskvöldið, stuð, stuð og aftur stuð!!!

Var að fá jólakortin í hús... og er að finna til heimilisföng, þar sem jú jólakortalistinn hrundi með hinni tölvunni!

Annars er ég að huxa um að setja inn nokkrar myndir núna, svona fyrir þá sem nenna að kíkja hingað inn ennþá!

OG RAGNA JENNÝ... OF KORS! HVENÆR KEMURÐU????

Þið verðið að afsaka.... heimilistölvan er komin á hauganna eftir rafmagnshögg hér í bæ... og því hef ég öðru hvoru fengið "lánaða" diskótölvu Féló til að komast á netið utan vinnutíma!

Mikið hefur gengið á hjá okkur undanfarið.... Signý er búin að vera veik... þar sem hún fékk hita í fyrsta skiptið á sinni stuttu ævi, ég hef verið að vinna á fullu og þess háttar!

Við höfum fengið sorgarfrétt, eina sorglegustu sem ég man eftir. Lítill frændi minn lést síðastliðinn fimmtudag, aðeins 10 mánaða gamall! Við höfum varla hugsað um annað síðan þá... og eigum líklegast ekki eftir að hugsa um annað næstu daga og vikur!

Innilegar samúðarkveðjur til ykkar sem næst standið!

Í síðustu viku ákvað ég að taka afrit af öllum ljósmyndum síðustu ára og tónlistinni minni. Samtals um 35 gíg.

Í morgun hrundi harði diskurinn í tölvunni minni og ekki hægt að nálgast eitt einasta efni af honum!

Þakka guði fyrir að sonurinn hafi ekki verið byrjaður á nýjustu ritgerðinni... hann hefði orðið kreisí á að þurfa að gera allt aftur!!! Og hann er víst alveg nógu oft kreisí þessa daganna þó að við séum ekki að bæta einhverju svona ofan á það allt saman!!!

Átti afmæli á þriðjudaginn, Bjarni Ólafur á mánudaginn og Jóna systir í dag. Til hamingju með það!

Mamma og pabbi voru að koma heim í gærkvöldi. Kíkja þangað.

Við Signý erum á leiðinni í Landakirkju á mömmumorgun. 

Erum að pakka niður... því að sumarbústaðarferðin ógurlega verður um helgina!

Guðný og Guðmundur Tómas fóru á lokahóf knattspyrnunnar og Guðný kom heim með ÍBV-arann, bikar sem stendur fyrir svo margt! Jákvæðni, áhuga, hvatningu... Hún var spurð af vinkonu sinni í gær, hvort hún ynni þetta ekki alltaf!!! En neinei... bróðir hennar fékk þennan titil 2006 og hún fékk þá framfaraverðlaunin! En vinkonunni fannst hún sem sagt eiga þetta skilið... og mér líka!

Signý fór í læknisskoðun á afmælinu mínu, fékk stimpilinn "flott stelpa"... en var svo spurð hvort eitthvað hafi verið rætt við okkur um stærðina á höfðinu á henni! Gat maðurinn ekki bara horft á mig...? Nei, nei.... þetta er víst fylgikvilli sem ég erfði frá pabba mínum og Guðný er sú eina sem virðist sleppa ;)

Ég er búin að vinna tvo daga í þessari viku... og er alltaf gjörsamlega búin þegar ég skríð uppí rúm, enda mæta 40 - 60 unglingar í hvert skipti og því fylgja orkusugur og andleg þreyta! Tekur mig vonandi ekki mikið meira en mánuð að venjast þessu lífi aftur!!!

Set inn nokkrar nýjar myndir í albúmið September 2008

Ákvað að henda hér inn nokkrum myndum af árgangsmótinu sem var nú í september.

Fyrsta er af okkur í GoGo's,

Önnur er af villingabekknum.... (vantar samt alla villinganna )

Ein af okkur Geir.

Ein af okkur og Önnu Lilju og Kjartani.

Og svo ein góð af æskuvinkonunum, mér og Þurý Sif.

Æðislegt var að hitta alla gömlu (ekki samt svo gömlu) félagana, rifja upp alla vitleysuna, endurnýja kynni og hafa gaman með góðu fólki...

P.S. Ég virðist ekki  geta komið eðlilega út á myndum... eins og ég er sæt!!! hahahaha