Vaðið úr einu í annað!

Er með skottið mitt í fanginu... og hana langar svo að rífa og tæta í lyklaborðið og tölvuna! Mann langar að rusla til strax fimm mánaða! Tíminn ótrúlega fljótur að líða, 5 mánuðir liðnir og Geir á bara viku eftir í vinnunni til að komast í fæðingarorlof. Hann held ég að geti ekki beðið... dagarnir bara lengur að líða ef eitthvað er!

Signý vex hratt, dafnar vel og þroskast... dinglar öðrum fæti og fylgist vel með öllu sem fram fer. Hún veit líka svona ljómandi vel hvað hún vill og er svo heppin að eiga mömmu sem skilur hana voða vel . 

Fjölskyldan öll er orðin óþreyjufull að bíða eftir að komast í sólina og segja skilið við heimanámið og alla aðra dagskrá sem vetrinum fylgir. Húsmóðirin hefur á stundum á tilfinningunni að hún sé enn í skóla... og þarf að muna eftir að minna á heimanámið reglulega því að ekki muna börnin sem eiga að læra eftir því að læra heima!!!

Jæja, nóg komið af tuði og tjútti... komið vorfrí með ritgerðum og öðru sem tveggja daga frí í skólanum kallar nauðsynlega á  og við á leið í ferðalag og fermingu! Ég ætla sko ekki að taka skólabækurnar með!!!

Er ég byrjuð aftur!!!???

Eníhús... ég er á leiðinni á Jet Black Joe með fullorðnu í fjölskyldunni minni og er ég handviss um að Arndís Ósk vinkona og Sigga frænka og allir aðrir sem stíga á stokk, verði eins og best verður á kosið!

Athugasemdir

[Sigríður Guðnadóttir, 24.4.2008 kl. 00:52]

Elsku litla dúllan - rosalega er maður sætur  

Hlakka til að sjá ykkur á tónleikunum  smá forvitni - hver er Arndís Ósk ?  er hún að fara að syngja eða spila eller va ?

[Sigþóra Guðmundsdóttir, 25.4.2008 kl. 00:51]

Nei, Beta... það er heimanám barnanna sem er að fara með límingarnar á öllum fjölskyldumeðlimum!

Og Sigga... Arndís er að fara að syngja. Er held ég að fara að hita upp fyrir ykkur! Hún er sko hörkusöngkona með stóru H-i... eins og aðrir sem droppa hér inn!!!

[Jórunn (IP-tala skráð) 5.5.2008 kl. 10:04]

Blessuð

 Var að spá í kerrunni.. Viltu ekki allavega kíkja á hana áður en þið farið

Ég get líka droppað við hjá þér með kerruna og sníkt mér kaffi

[Sigþóra Guðmundsdóttir, 5.5.2008 kl. 13:52]

Ji... takk fyrir innlitið Árni minn, bið að heilsa fólkinu í kringum þig sem þekkir mig!

Jórunn, endilega kíktu í kaffi! Frétti að það væri búið að flauta af ættarmótið... og Geir átti eftir að skrá okkur!